Referime Shkencore

Shtyp
Krijuar: 30 Mars 2015 Ndryshimi i fundit: 30 Mars 2015 Vizita: 4047

Në kuadër të Marrëveshjes së Bashkëpunimit ndërmjet UPT dhe Universitetit Toyama, Japoni, Departamenti i Mekanikës në Fakultetin e Inxhinierisë Mekanike organizoi në datë 9 Mars 2015, në sallën e Rektoratit, një seminar me referime shkencore ne fushën e transportit. Në këtë seminar, prezantuan punët e tyre shkencore Dekani i Fakultetit të Inxhinierisë në Universitetin Toyama, Prof. Yuukou Horita dhe profesori shqiptar pranë Fakultetit të Inxhinierisë në Universitetin Toyama, Prof. Genci Çapi.

 

        

        

 

         

 

Pas seminarit të dy përfaqësuesit e Universitetit Toyama u pritën nga Rektori i UPT, Akademik Jorgaq Kaçani. Pjesëmarrës në takim ishin gjithashtu Zv- rektorët Prof. Genti Guxho dhe Prof. As. Vladi Koliçi, Dekania e Fakultetit të Teknologjisë së Informacionit Prof. Rozeta Miho, Zv-Dekani i Fakultetit të Inxhinierisë Mekanike Dr. Erald Piperi dhe Përgjegjësi i Departamentit të Mekanikës Prof. As. Koço Bode.

 

Gjatë takimit u diskutua për bashkëpunimin e deritanishëm mes dy universiteteve në drejtim të: botimeve shkencore të përbashkëta, shkëmbimeve të profesorëve, studentëve dhe doktorantëve, konferenca të përbashkëta, etj., si dhe për mundësitë e reja të bashkëpunimit ndërmjet dy universiteteve.