Me ftesë të Presidentit të Universitetit Verilindor (NEU), Shenyang, Kinë, Z. Lieyun DING, një delegacion i UPT, i përbërë nga Rektori i UPT, Akademik Jorgaq KAÇANI, Kryetar dhe Prof. Dr. Frederik PREMTI, Zv. Rektor për Marrëdhënie Ndërkombëtare dhe Shkencë, vizitoi Universitetin Verilindor të Shenyangut, për të diskutuar mbi mundësitë e zgjerimit të bashkëpunimit ndërmjet dy universiteteve tona në fushat me interes të përbashkët dhe për të nënshkruar Memorandumin e Bashkëpunimit përkatës.

Vizita u krye në periudhën 26 Gusht - 5 Shtator.

Gjatë vizitës në këtë universitet, delegacioni i UPT u prit nga Presidenti i NEU, Prof. Dr. Lieyun DING, Prof. Dr. Zhang TINGAN, Dekan i Shkollës së Materialeve dhe Metalurgjisë (SMM), Prof. Dr. Miaoyong ZHU, Zv.Dekan i SMM, Prof. Dr. Min JIANG, Zv.Dekan i SMM, Prof. Dr. Chengdong WU, Zv.Dekan i Shkollës së Shkencave të Informacionit & Inxhinieri, Drejtor i Institutit të Inteligjencës Artificiale & Robotikës, Drejtori i Seksionit të Marrëdhënieve Ndërkombëtare Wu TIEYAN, Prof. Dr. Inxh. Min CHEN, shef i departamentit të Metallurgjisë së Hekurit, në Shkollën e Materialeve dhe Metalurgjisë, etj. Me këtë rast u nënshkrua edhe MoU midis dy universiteteve. Në vazhdim të vizitës në Shenyang, delegacioni i UPT vizitoi edhe parkun shkencor NEUSOFT, një park me nivel të lartë shkencor dhe me reputacion në Kinë dhe jashtë.

Gjithashtu, delegacioni i UPT vizitoi edhe dy universitete teknike: Universitetin e Arkitekturës dhe Teknologjisë të Xi’an (XIAUAT) dhe Universitetin e Teknologjisë të Anhui (AHUT), në Ma’anshan.

Gjatë vizitës në Universitetin e Arkitekturës dhe Teknologjisë të Xi’an, delegacioni u prit nga presidenti i këtij universiteti, Z. Delong XU, Akademik i Akademisë së Inxhinierave të Kinës, Prof. Dr. Jiping HAO, Zv. President i XAUAT, Z. Zhao LEI, Zv Drejtor i Zyrës së Shkëmbimeve & Kooperimit Ndërkombëtar dhe nga përfaqësues nga Drejtoria e Marrëdhënieve Ndërkombëtare, dekanë dhe përgjegjës departamentesh. Edhe me këtë universitet u nënshkrua një Marrëveshje Bashkëpunimi reciprok.

Në AHUT, delegacioni i UPT u prit nga Prof. Dr. Lan YUJIE, President i Këshillit, nga Zv. Presidenti Prof. Li JIAXIN, nga Zv. Presidenti Prof. Wei XIANWEN, Prof. Dai YUCHUN, Drejtori i Zyrës së Presidentit, Prof. As. Chen XILIN, Drejtor i Zyrës së Marrëdhënieve Ndërkombëtare, Prof. Dr. Wang JIANJUN, Dekan i Shkollës së Metalurgjisë dhe Burimeve, Z. Hu SHAN GUI, Shef Sektori në Zyrën e Marrëdhënieve Ndërkombëtare.

Në të gjitha vizitat, delegacioni u prit me shumë ngrohtësi nga pala kineze dhe u shpreh me forcë dëshira për forcimin e marrëdhënieve në drejtim të shkëmbimit të studentëve, shkëmbimit të profesorëve, pjesëmarrjes në projekte të përbashkëta, etj.

Vizita në universitetet kineze u bë e mundur falë përpjekjeve personale të Prof. Xiao ZEQIANG, i cili ka qënë profesor në universitetin tonë në vitet 1973-1974.