Prej datës 14 - 18 Shkurt 2013, një delegacion i Universitetit të Toyamës, Japoni, i kryesuar nga Dekani i Shkollës "Shkenca dhe Inxhinieria per Kërkim", Prof. Sotomi ISHIHARA, bëri një vizitë në Universitetin tonë. Gjate kësaj vizite, delegacioni u prit nga Rektori i UPT, Akademik Jorgaq KAÇANI, ku u diskutua mbi mundësitë e bashkëpunimit, u nënshkrua Marrëveshja e Bashkëpunimit ndërmjet dy universiteteve tona si dhe u mbajtën dy leksione, me studentë dhe pedagogë të UPT.
Delegacioni u prit edhe nga Ministri i MASH, Prof. Myqerem TAFAJ.
Rektori i UPT, Akademik Jorgaq KAÇANI dhe Dekani i Shkollës "Shkenca dhe Inxhinieria për Kërkim", Prof. Prof. Sotomi ISHIHARA gjatë nënshkrimit të Marrëveshjes së Bashkëpunimit.

Presidenti i Republikës, Bujar Nishani i akordoi Universitetit Politeknik të Tiranës Urdhërin “Nderi i Kombit” me motivacionin: “Për kontribut të shquar në zhvillimin ekonomik e social të vendit, nëpërmjet përgatitjes së dhjetra brezave inxhinierësh dhe duke qenë një qendër e rëndësishme e arsimit të lartë dhe e kërkimit shkencor në Shqipëri, e më gjerë”.

Konferenca “Universiteti Politeknik i Tiranës në 100 vjetorin e Pavarësisë”

Në kuadër të festimeve për 100 vjetorin e Pavarësisë, Universiteti Politeknik i Tiranës organizoi në datën 22 Nëntor 2012, në sallën “Silvano Pedrollo”, Konferencen solemne: “Universiteti Politeknik i Tiranës në 100 vjetorin e Pavarësisë”. Konferenca u hap me dorëzimin e Urdhërit “Nderi i Kombit”, akorduar UPT-së nga Presidenti i Republikës, SH.T.Z. Bujar Nishani. Si përmbyllëse e të gjitha aktiviteteve me rastin e 100 vjetorit, këtë konferencë e përshëndetën: Prof. Myqerem Tafaj – Ministër i Arsimit dhe Shkencës, Akademik Jorgaq Kaçani – rektor i UPT-së, Akademik Bardhyl Golemi – profesor veteran i UPT-së, drejtues dhe profesorë të këtij institucioni, si edhe kryetari i Këshillit Studentor.

Takim me perfaqesues te universiteteve pritese ne projektet “ERASMUS MUNDUS”: BASILEUS, JOINEU-SEE dhe SIGMA

Me daten 5 Dhjetor 2012, ne oren 14-17, ne sallen “Silvano Pedrollo” te Rektoratit do te zhvillohet nje takim me perfaqesues nga universitetet pritese ne kuadrin e projekteve “ERASMUS MUNDUS”: BASILEUS, JOINEU-SEE dhe SIGMA.
Ne kete takim do te shpjegohen te gjitha proceduarat e aplikimit, kush mund te aplikoje si dhe nje sere ceshtjesh me interes per aplikantet.
Perfitues te bursave te ofruara nga keto projekte jane: studentet bachelor (viti 2 ose 3), studentet master, studentet e doktoratures, stafi, etj.